រាល់ឆ្នាំ សាខាបក្សភូមិវាំងសាវ ឃុំគូឡាវយុង តែងរក្សាកិត្ត នាម "សម្រេចល្អភារកិច្ច" ឡើងទៅ ក្នុងនោះបណ្តាឆ្នាំ ២០២២, ២០២៣ និង ២០២៥ សាខាបក្សតែងសម្រេចឆ្នើមភារកិច្ច។ ដើម្បីសម្រេចបានភារកិច្ចនោះ សា ខាបក្សតែងយកចិត្តទុកដាក់លើការងារកសាងបក្ស និងពង្រីកតួនាទី "ស្នូល" ដឹកនាំ ចង្អុលការគ្រប់ជ្រុងជ្រោយបណ្តាផ្នែកការងាររបស់ភូមិ។
ពូហ្វឹញហ្វាយណាម ប្រជាជនក្នុងភូមិ (ឈរកណ្តាល) បានឧបត្ថម្ភហ្វឹកហាត់បច្ចេកទេស និងបុលទុនពីធនាគារគោលនយោបាយសង្គម ដើម្បីអភិវឌ្ឍទម្រង់ចិញ្ចឹមជ្រូកព្រៃ និងដាំដូង។
តាមលោក គីមធឿង លេខាសាខាបក្សភូមិវាំងសាវ បានឱ្យដឹង៖ សាខាបក្សម្ចាស់ការច្នៃប្រតិដ្ឋ ស្រាវជ្រាវអនុវត្តបណ្តាសារាចរសេចក្តីសម្រេចចិត្តរបស់ថ្នាក់លើដាក់ចេញបណ្តាដំណោះស្រាយជាក់ស្តែងសមស្របជាមួយលក្ខខណ្ឌ សមត្ថភាពចាត់តាំងអនុវត្តតាមដានត្រួតពិនិត្យនិងជំនះទាន់ពេលបណ្តាចំណុចខ្សោយ គុណវិបត្តិក្នុងអំឡុងពេលអនុវត្តភារកិច្ច។ ទន្ទឹមនឹងនោះ សាខាបក្សយកចិត្តទុកដាក់លើកកម្ពស់គុណភាពប្រជុំជីវភាពរាល់ខែ និងប្រជុំជីវភាពប្រធានបទរាល់ត្រីមាស។ ខ្លឹមសារប្រជុំបានរៀបចំយ៉ាងមត់ចត់ ដោយប្រមូលផ្តុំពិគ្រោះបណ្តាបញ្ហាសំខាន់ៗរបស់ភូមិភាគ ផ្សារភ្ជាប់ជាមួយភារកិច្ចរបស់បក្ខជនម្នាក់ៗ។
រួមជាមួយនោះ សាខាបក្សបានក្តាប់សតិអារម្មណ៍របស់បក្ខជននិងប្រជាជនទាន់ពេល ម្ចាស់ការតម្រង់ទិសសាធារណមតិ បង្កការឯកភាពក្នុងការយល់ដឹងនិងសកម្មភាព។ សាខាបក្សអនុវត្តយ៉ាងមត់ចត់នូវការគ្រប់គ្រងនិងចាត់ភារកិច្ចបក្ខជន ត្រូវតាមទិសស្លោក "ច្បាស់មនុស្ស ច្បាស់ការងារ"។ បក្ខជនតែងពង្រីកតួនាទីឈានមុខក្នុងការអនុវត្តភារកិច្ច ចលនាប្រជាជនប្រតិបត្តិឱ្យបានល្អនូវគោលការណ៍របស់បក្ស គោលនយោបាយនិងច្បាប់របស់រដ្ឋ ព្រមទាំងសកម្មចូលរួមបណ្តាចលនាប្រឡងប្រណាំងស្នេហាជាតិ។
លោកស្រី ផាមធីហ្វឹញញឺ ប្រធានក្រុមការពារសន្តិសុខ សណ្តាប់ធ្នាប់មូលដ្ឋាន បានចែករំលែក៖ "យល់ច្បាស់ពីតួនាទី ភារកិច្ចរបស់ខ្លួន ខ្ញុំតែងតែឃោសនាចលនាប្រជាជនឱ្យប្រតិបត្តិបានល្អនូវគោលការណ៍ គោលនយោបាយរបស់បក្ស និងច្បាប់របស់រដ្ឋ។ ខ្ញុំនិងបណ្តាសមាជិកក្នុងក្រុមបានសកម្មសហការជាមួយនគរបាលឃុំ បង្កើនការងារពិនិត្យធានាសន្តិសុខ សណ្តាប់ធ្នាប់ ចូលរាល់គ្រួសារប្រជាជន ដើម្បីណែនាំ ដំឡើងនិងដំណើរការគណនីអត្តសញ្ញាណកម្មអេឡិចត្រូនិក VNeID ព្រមទាំងណែនាំប្រជាជនអនុវត្តបណ្តាវិធានការធានាសុវត្ថិភាព បង្ការនិងពន្លត់អគ្គិភ័យ"។
ក្នុងការដឹកនាំអភិវឌ្ឍសេដ្ឋកិច្ច សាខាបក្សបានចង្អុលការគណៈកម្មាធិការប្រជាជន គណៈការងាររណសិរ្សនិងបណ្តាសាខាសមាគមភូមិ ជំរុញការឃោសនាចលនាប្រជាជនអនុវត្តវឌ្ឍនភាពវិទ្យាសាស្ត្របច្ចេកទេសក្នុងការផលិត កសាងទម្រង់សេដ្ឋកិច្ចសមស្របជាមួយលក្ខខណ្ឌជាក់ស្តែង ដូចជា៖ ដាំអំពៅ ១០០ ហិកតា កែប្រែដីចម្ការដាំដូង មៀន ស្វាយ ៧៩ ហិកតា ដំណាំរួមផ្សំ ៤៨ ហិកតា។ល។ ទន្ទឹមនឹងនោះ យកចិត្តទុកដាក់ឧបត្ថម្ភប្រជាជនក្នុងការបុលទុនអាទិភាពដើម្បីអភិវឌ្ឍការផលិត។
ពូហ្វឹញហ្វាយណាម ប្រជាជនក្នុងភូមិបានឱ្យដឹង៖ "ខ្ញុំបានឧបត្ថម្ភឱ្យបុលទុន ១០០ លានដុងពីធនាគារគោលនយោបាយសង្គម និងបានហ្វឹកហាត់បច្ចេកទេសដាំដុះ ចិញ្ចឹមសត្វ។ ចាប់តាំងពីពេលនោះមក ខ្ញុំបានអនុវត្តទម្រង់ចិញ្ចឹមជ្រូកព្រៃ ទទួលបានចំណូលប្រហែល ១៥០ លានដុងក្នុងមួយឆ្នាំ និងដាំដូងលើផ្ទៃដីចម្ការ។ សព្វថ្ងៃ ជីវភាពគ្រួសារបានធូរធារជាបណ្តើរៗហើយ"។ សព្វថ្ងៃ ភូមិវាំងសាវនៅសល់តែ ២ គ្រួសារក្រីក្រ និង ១២ គ្រួសារក្បែរក្រីក្រប៉ុណ្ណោះ។
តាមលោក ង្វៀងហឺវធ្វឹង អនុលេខាសាខាបក្ស ប្រធានគណៈកម្មាធិការប្រជាជនភូមិ បានឱ្យដឹង៖ រួមជាមួយការអភិវឌ្ឍសេដ្ឋកិច្ច ក្នុងរយៈពេល ៥ ឆ្នាំកន្លង សាខាបក្សភូមិវាំងសាវបានដឹកនាំចង្អុលការចលនាប្រជាជន និងកៀរគរបណ្តាប្រភពកម្លាំងឧបត្ថម្ភកសាងផ្ទះមហាសាមគ្គីបាន ៤០ ខ្នង បង្កើនកម្រិតនិងបើកទូលាយដងផ្លូវចំនួន ២ មានប្រវែង ២.៧០០ ម៉ែត្រ ទទឹង ២,៥ ម៉ែត្រ និងកសាងស្ពានបេតុងចំនួន ៣ កន្លែង។ សាខាបក្ស គណៈកម្មាធិការប្រជាជន គណៈការងាររណសិរ្ស និងបណ្តាសាខាសមាគម តែងយកចិត្តទុកដាក់ចលនាប្រជាជនរក្សាអនាម័យបរិស្ថាន កសាងទិដ្ឋភាពជនបទ "ភ្លឺ - បៃតង - ជ្រះ - ស្អាត" ចាត់តាំងបណ្តាសកម្មភាពវប្បធម៌ សិល្បៈ កីឡាហាត់ប្រាណ រួមចំណែកលើកកម្ពស់ជីវភាពស្មារតី និងពង្រឹងផែនមហាសាមគ្គីទូទាំងជនជាតិ៕
អាញយុង - ចន្ថា