ដំបូន្មានអ៊ំបំភ្លឺផ្លូវយើង
លោកប្រធានហូជីមិញជាគំរូដ៏ថ្លៃថ្លា និងឧត្តុង្គឧត្តមបំផុត អ៊ំបានឧទ្ទិសនូវឆាកជីវិតរបស់ខ្លួនជូនមាតុភូមិ ប្រជាជន ដើម្បីឧត្តមគតិកុម្មុយនិស្ត ឯករាជ្យ សេរីភាពរបស់ប្រជាជាតិ ដែលរការគាបសង្កត់ ដើម្បីសន្តិភាពនិងភាពយុត្តិធម៌លើភិភពលោក។
យុវវ័យក្រុងកឹងធើ ប្ដេជ្ញាបញ្ចេញកម្លាំងរៀនសូត្រនិង ធ្វើតាមគំរូសីលធម៌អ៊ំហូដ៏មហិមា។
លោកប្រធានហូជីមិញ ប្រសូតិថ្ងៃ១៩ ខែឧសភា ឆ្នាំ១៨៩០ នៅគីមឡៀង ណាមដាង ង៉ែអាង ក្នុងគ្រួសារអ្នកកាន់លទ្ធិខុងជឺស្នេហាជាតិ។ អ៊ំធំនិងដឹងក្តីក្នុងស្ថានភាពបាត់បង់ទឹកដី គ្រួសារព្រាត់ប្រាស់ ដោយបានឃើញផ្ទាល់នឹងភ្នែកនូវការឈឺចាប់ក្រៃលែង របស់ប្រជាជននៅពេលបាត់បង់ទឹកដី ពេលនោះស្មារតីវាយបណ្តេញអាណានិគម ដណ្តើមឯករាជ្យ សេរីភាពជូនប្រទេសជាតិក៏ចេះតែឆេះងំក្នុងដួងចិត្តអ៊ំ។
ឆ្នាំ១៩១១ អ៊ំចេញដំណើរពីកំពង់ផែញ៉ារុង ទៅកាន់ប្រទេសបារាំងនិងប្រទេសនានាជាច្រើននៅទ្វីបអឺរ៉ុប ទ្វីបអាស៊ី អាមេរិក អាហ្រ្វិក។ អ៊ំធ្វើ ការបណ្តើរនិងសិក្សាស្រាវជ្រាវមនោគមវិជ្ជាបដិវត្តន៍បណ្តើរ។ ឆ្នាំ១៩១ ៧ ជ័យជម្នះដ៏ខ្ទរខ្ទារនៃបដិវត្តន៍ខែតុលារុស្សី បានជំរុញឲ្យលោកប្រធានហូជីមិញ ដើរតាមលទ្ធិម៉ាកលេនីន។ អ៊ំរកឃើញនូវមាគ៌ារំដោះជាតិ ។ ដល់ឆ្នាំ១៩៤១ អ៊ំវិលមកប្រទេសដឹកនាំបដិវត្តន៍វៀតណាមដោយផ្ទាល់។ អ៊ំរៀបចំសន្និបាតលើកទី៨គណៈប្រតិបត្តិការមជ្ឈិមបក្សកំណត់ មាគ៌ាតស៊ូប្រយុទ្ធរំដោះជាតិ ចង្អុលការបង្កើតរណសិរ្សវៀតមិញ បង្កើតកាសែតវៀតណាមឌុកឡឹប រៀបចំកងកម្លាំងប្រដាប់អាវុធកសាងទីតាំងបដិវត្តន៍ ដឹកនាំប្រជាជនដណ្ដើមបាននូវជ័យជម្នះបដិវត្តន៍ ខែសីហា ឆ្នាំ ១៩៤៥។ ថ្ងៃទី២ ខែកញ្ញា ឆ្នាំ១៩៤៥ នៅទីលានបាឌិញ អ៊ំអានសេចក្តីប្រកាសឯករាជ្យ បង្កើតប្រទេសវៀតណាមប្រជាធិបតេយ្យសាធារណ រដ្ឋ បច្ចុប្បន្ន ជាសាធារណរដ្ឋសង្គមនិយមវៀតណាម។ អ៊ំរួមជាមួយនឹងគណៈប្រតិបត្តិការមជ្ឈិមបក្សលើកឡើងនូវមាគ៌ាត្រឹមត្រូវ ដឹកនាំការតស៊ូប្រឆាំងអាមេរិកសង្រ្គោះជាតិ និងអនុវត្តកិច្ចការកែប្រែកសាងសង្គម និយមនៅភាគខាងជើងទទួលបានជ័យជម្នះ កសាងគ្រឹះស្ថាននិងពូន ផ្តុំដោយឥតឈប់ឈរនូវចំណងមិត្តភាពរវាងប្រជាជាតិវៀតណាម និងជនជាតិនានានៅលើពិភពលោក រវាងបក្សកុម្មុយនិស្តវៀតណាមជាមួយនឹងបក្សកុម្មុយនិស្តនានា និងចលនាកម្មករអន្តរជាតិ។
អនុស្សាវរីយ៍ខួប១២៥ឆ្នាំ ទិវាកំណើតលោកប្រធានហូជីមិញ យើងទាំងឡាយរួមគ្នារំលឹកឡើងវិញនូវឆាកជីវិត និងបុព្វហេតុបដិវត្តន៍ដ៏មហិមារបស់អ៊ំ ស្តីពីការឧទ្ទិសបូជាដ៏ធំធេងរបស់អ៊ំចំពោះបុព្វហេតុរំដោះជាតិ អំពីការចលនាកុម្មុយនិស្តនិងចលនាកម្មករអន្តរជាតិ។ ទន្ទឹមនឹងនោះ បន្តការអនុវត្តន៍តាមសតិអារម្មណ៍ សីលធម៌របស់អ៊ំក្នុងបុព្វហេតុកសាង និងការពារមាតុភូមិវៀតណាមសង្គមនិយម។ រៀនសូត្រនិងធ្វើតាម គំរូសីលធម៌ហូជីមិញ បក្សយើងបានបំផុសចលនា កម្មាភិបាល បក្ខជន គ្រប់រូបជានិច្ចកាលគប្បីអប់រំ លត់ដំខ្លួនឯងនិងអនុវត្តតាមគំរូ សីលធម៌ហូជីមិញ។ ឆ្នាំ២០១៥ បធានបទនៃការរៀនសូត្រ និងធ្វើតាមគំរូសីលធម៌ហូជីមិញ គឺ"ស្មោះត្រង់ទទួលបន្ទុក; ផ្សារភ្ជាប់នឹងប្រជាជន; សាមគ្គី កសាងបក្សស្អាតស្អំរឹងមាំ"។ យើងគប្បីជ្រួតជ្រាបស្មារតីស្នេហា ជាតិក្នុងស្ថានភាពថ្មី ពង្រីកបាននូវកម្លាំងមហាសាមគ្គីទូទាំងប្រជាជាតិ ជំរុញបុព្វហេតុផ្លាស់ថ្មីទឹកដី ឧស្សាហូបនីយកម្មនិងភាវូបនីយកម្មទំនើប ជំរុញប្រទេសយើងឲ្យឆាប់បានចេញពីស្ថានភាពខ្វះការអភិវឌ្ឍន៍ អនុវត្តតាមពាក្យទូន្មានរបស់អ៊ំអំពី "វីរយៈ អាចយៈ សុចរិត ទៀងត្រង់ សមធម៌ ឥតលំអៀង" លើកកម្ពស់គុណសម្បត្តិមនុស្សវៀតណាមសម័យថ្មី លើកកម្ពស់ការយល់ដឹងប្រជាធិបតេយ្យ និងវិន័យផ្សារភ្ជាប់ជាមួយនឹងប្រជាជនពីព្រោះប្រជាជនធ្វើការបម្រើ៕
ថាញ់សុផន