កម្រិតប្រាក់សោធននិវត្តន៍ បានកែតម្រូវជាបន្តបន្ទាប់ក្នុងរយៈពេលច្រើនឆ្នាំមកនេះ ដើម្បីកែលម្អជីវភាពរបស់អ្នកចូលនិវត្តន៍។
ចាប់ពីឆ្នាំ១៩៩៥ មកដល់ពេលនេះ រដ្ឋបានកែតម្រូវប្រាក់សោធននិវត្តន៍ចំនួន ២៤ លើក ដើម្បីធានាជីវភាពជូនអ្នកចូលនិវត្តន៍។ រូប៖ VGP
តាមមាត្រា ៦៧ ច្បាប់ធានារ៉ាប់រងសង្គម ឆ្នាំ ២០២៤ ប្រាក់សោធននិវត្តន៍ បានកែតម្រូវដោយផ្អែកលើមូលដ្ឋានកម្រិតកំណើននៃសន្ទស្សន៍តម្លៃប្រើប្រាស់ សមស្របនឹងលទ្ធភាពនៃថវិការដ្ឋ និងមូលនិធិធានារ៉ាប់រងសង្គម។
ច្បាប់នៅទាំងកំណត់ការកែតម្រូវកម្រិតកំណើន ប្រាក់សោធននិវត្តន៍ឱ្យសមស្របចំពោះអ្នកមានប្រាក់សោធននិវត្តន៍ទាប និងចូលនិវត្តន៍មុនឆ្នាំ ១៩៩៥ ធានាបន្ថយគម្លាតប្រាក់សោធននិវត្តន៍ រវាងអ្នកចូលនិវត្តន៍នៅគ្រប់សម័យកាល។
រដ្ឋាភិបាលបានកំណត់នូវដំណាក់កាល មុខសញ្ញាកម្រិតកែតម្រូវប្រាក់សោធននិវត្តន៍។
យោងតាមសេចក្តីសម្រេចចិត្តលេខ ២៤៥/២០២៥/QH១៥ របស់រដ្ឋសភា អំពីគម្រោងថវិការដ្ឋឆ្នាំ ២០២៦ រដ្ឋសភាសំណូមពរឱ្យក្រសួង ផ្នែក និងភូមិភាគនានា បន្តអនុវត្តវិធានការបង្កប្រភពកំណែទម្រង់ប្រាក់បៀវត្ស។ ទន្ទឹមនឹងនោះ ឆ្នាំ ២០២៦ ទូទាំងប្រទេសនៅតែរក្សាការលើកលែងប្រមូលខ្ទង់ប្រាក់មួយចំនួន នៅពេលកំណត់ ចំនួនកំណើនប្រមូលថវិកាភូមិភាគសម្រាប់កំណែទម្រង់ប្រាក់បៀវត្ស។
ចំណុចថ្មីជាសំខាន់ គឺរដ្ឋសភាអនុញ្ញាតឱ្យពង្រីកវិសាលភាពប្រើប្រាស់ប្រភពសន្សំកំណែទម្រង់ប្រាក់បៀវត្សនៃថវិកាមជ្ឈិម ដើម្បីបម្រើការកំណែទម្រង់ប្រាក់សោធននិវត្តន៍ ប្រាក់ឧបត្ថម្ភធានារ៉ាប់រងសង្គម ប្រាក់ឧបត្ថម្ភប្រចាំខែ ប្រាក់ឧបត្ថម្ភអនុគ្រោះដល់អ្នកមានគុណបំណាច និងអនុវត្តការបន្ថយក្របខណ្ឌ។
បន្ទាប់ពីនោះ តាមសេចក្តីសម្រេចចិត្តនៃសម័យប្រជុំលើកទី១០ រដ្ឋសភា នីតិកាលទី១៥ រដ្ឋសភាសំណូមពរឱ្យកែតម្រូវប្រាក់ទំនុកបម្រុងមួយចំនួន កម្រិតប្រាក់បៀវត្សមូលដ្ឋាន ប្រាក់សោធននិវត្តន៍ ប្រាក់ឧបត្ថម្ភធានារ៉ាប់រងសង្គម ប្រាក់ឧបត្ថម្ភប្រចាំខែ ប្រាក់ឧបត្ថម្ភអនុគ្រោះអ្នកមានគុណបំណាច ប្រាក់ឧបត្ថម្ភសង្គម និងប្រាក់ឧបត្ថម្ភចូលនិវត្តន៍សង្គម យោងតាមសេចក្តីសន្និដ្ឋានលេខ ២០៦-KL/TW ចុះថ្ងៃទី១០ ខែវិច្ឆិកា ឆ្នាំ២០២៥ របស់ការិយាល័យនយោបាយ។
រដ្ឋាភិបាល នាយករដ្ឋមន្ត្រី បានប្រគល់ភារកិច្ច ចង្អុលការដល់ក្រសួង ផ្នែកពាក់ព័ន្ធ កសាង ដាក់ឱ្យប្រើ ឬលើកជូនថ្នាក់មានសមត្ថកិច្ចដាក់ឱ្យប្រើនូវឯកសារកំណត់លម្អិត ណែនាំអនុវត្តច្បាប់ សេចក្តីសម្រេចចិត្ត ដើម្បីច្បាប់និងសេចក្តីសម្រេចចិត្ត បានអនុវត្តភ្លាមៗពេលមានសុពលភាព។
ថ្មីៗនេះ គឺចាប់ពីថ្ងៃទី ១ ខែកក្កដា ឆ្នាំ ២០២៤ រដ្ឋាភិបាលបានដាក់ឱ្យប្រើអនុក្រឹត្យកែតម្រូវ បង្កើនប្រាក់សោធននិវត្តន៍ ប្រាក់ឧបត្ថម្ភធានារ៉ាប់រងសង្គម និងប្រាក់ឧបត្ថម្ភប្រចាំខែបន្ថែម ១៥%។ កម្រិតកែតម្រូវនេះ ខ្ពស់ជាងពីរដងនៃកម្រិតកែតម្រូវកំណើនមធ្យមភាគសម្រាប់ដំណាក់ កាល២០១៣ - ២០២៣។ ទូទាំងប្រទេសមានអ្នកទទួលប្រាក់សោធននិវត្តន៍ប្រាក់ឧបត្ថម្ភប្រមាណ ៣,៥ លាននាក់។
ទន្ទឹមនឹងនោះ ចំពោះអ្នកកំពុងទទួលប្រាក់សោធននិវត្តន៍ ប្រាក់ឧបត្ថម្ភធានារ៉ាប់រងសង្គម និងប្រាក់ឧបត្ថម្ភប្រចាំខែមុនថ្ងៃទី ១ ខែមករា ឆ្នាំ ១៩៩៥ ក្រោយពីកែតម្រូវមានកម្រិតទទួលទាប ជាង ៣,៥ លានដុងក្នុងមួយខែ គឺបានកែតម្រូវកើនបន្ថែម។
តាមរយៈនោះ ប្រាក់សោធននិវត្តន៍នឹងកើនឡើងបន្ថែម ៣០០.០០០ ដុង/ម្នាក់/ខែ ចំពោះអ្នកដែលមានកម្រិតទទួលក្រោម ៣,២ លានដុង/ម្នាក់/ខែ; កើនឡើង៣,៥ លានដុង/ម្នាក់/ខែ ចំពោះអ្នកដែលទទួលពី ៣,២លានដុង/ម្នាក់/ខែ ដល់ក្រោម ៣,៥លានដុង/ម្នាក់/ខែ។
ចាប់ពីឆ្នាំ ១៩៩៥ មកដល់ពេលនេះ រដ្ឋបានអនុវត្តការកែតម្រូវប្រាក់សោធននិវត្តន៍ចំនួន ២៤ លើកដើម្បីធានាជីវភាពជូនអ្នកចូលនិវត្តន៍៕
យោង៖ laodong.vn - ប្រែសម្រួល៖ សូភូន